తెలుగు భక్తి

విష్ణు సహస్రనామ స్తోత్రము

telugubhakti — Fri, 13 Aug 2010 09:52:53 +0000

Filed under: స్తోత్రములు Tagged: ప్రార్థన, భక్తి భావనలు

భగవంతుని పొందటం ఎలా ?

telugubhakti — Tue, 10 Aug 2010 04:33:22 +0000

భగవంతుని పొందటం ఎలా ?
(1)రబీంద్రనాధ టాగూరు అంటారు :

భగవంతుని తెలుసుకోవటానికి మూడు మార్గములున్నాయి.
1.ఙ్నాన మార్గము_ఇది అందరికీ సాధ్యము కాదు.వేలితో లెక్కపెట్టతగినంత మందికే సాధ్యము.
2.కర్మ మార్గము_ఇది కూడా చాలా తక్కువ మందికే సాధ్యము. కోరికలు చంపుకున్న
వారే కర్మ ఫలములను పొందగలరు.
3.భక్తి మార్గము_ఇది అన్నిటికన్నా సులభము.భక్తి ,నమ్మకము,ప్రేమ భగవంతుని దగ్గరకు
చేర్చుతాయి.”

(2)సాయి బాబా అంటారు :

భగవంతుని చేరటానికి 6 మార్గాలున్నాయి.
1.మంచి సాంగత్యము
2.ఙ్నాన మార్గమును అనుసరించుట
3.ఏకాగ్ర భక్తి
4.ఎల్లప్పుడు భగవంతుని గూర్చి మాట్లాడుట
5.భక్తి ఉన్నత స్తాయికి చేరినప్పుడు నవ్వుట,ఏడ్చుట, శరీరము వశము తప్పుట
6.శరీరముతో సహా తనను తాను మర్చిపోవుట”

(3) మహాత్ములందరి ఉపదేశ సారం :

౧. గొప్ప గొప్పవాటిని పొందాలనే కోరిక, తపన సర్వమానవ సహజం.
౨. విశ్వమంతటికన్న విశ్వేశ్వరుడు గొప్ప !
౩. ఆ భగవంతుడిని పొందాలంటే -అతడు భక్తికి మాత్రమే వశ్యుడు !
౪. భక్తి యనగా భగవంతునియందు పరమ ప్రేమ.
౫. ఆ ప్రేమ అవ్యాజముగా నున్ననే భగవంతుని ఆకర్షింప గలుగుతుంది.
౬. తమ తమ స్వార్థముతో గాకుండా, ఏమీ ఆశించకుండా -
” నన్ను నన్నుగా ప్రేమించే “వారినే మనుష్యులు ఎక్కువగా ప్రేమిస్తారు కదా.
౭. దేవుడూ అంతే ! అసలు ఈ గుణం ఆయననుంచే మనకు అబ్బింది.
” భగవంతుని కొరకే భగవంతుని ప్రేమించే ” వారినే, భగవంతుడు కూడా ప్రేమిస్తాడు.
అలా కాకపోతే, అది మనవైపునుంచి జరిగే ” ఒక వైపు మాత్రమే ” ప్రేమ అవుతుంది.
అప్పుడు భగవంతుడు ప్రేమించడు కానీ, జాలి పడతాడు, దయ జూపుతాడు.
ఆ స్థితి ఏ నిజమైన ప్రేమికకైనా సహింప శక్యమా ?!
౮. పూర్వకాలంలో వలె – చదువుకున్నాకూడా ఇతర వ్యాపకాలు లేకుండా, క్రొత్తగా పెళ్ళి అయి,
కాపురానికి వెళ్ళబోయే సుగుణవతి అయిన నవ-వధువు వలె -
సర్వకాల సర్వావస్థలయందు భావనలన్నీ యోగ్యుడైన పతి ( జగత్పతి ) యందే పరిభ్రమిస్తూ ఉంటే -
ఆ మాధుర్య – ఆనంద స్థితియే భక్తికి పరాకాష్ఠ ! ఆ ( జగత్ ) పతియొక్క ప్రేమలో
కరిగిపోవటమే జీవన సాఫల్యం !
౯. భావనలో భక్తి -తాదాత్మ్యం కుదురుకున్నాక, ఏం చేసినా, ఎలా చేసినా, ఏ రూపాన్ని కొలిచినా,
ఏనామాన్ని స్మరించినా, నవవిధ భక్తులలో ఏ మార్గాన్ని అనుసరించినా -
అంతా భగవత్-సాన్నిహిత్యమే; అంతా భగవత్-సంయోగమే; అంతా ఆనందమయమే !

Filed under: భక్తి భావనలు, భక్తి విధానాలు, Uncategorized Tagged: దేవుడు, భక్తి భావనలు, భగవంతుడు

భగవన్-నిర్గుణ మానస పూజా ( శ్రీ శంకరాచార్య కృతమ్ )

telugubhakti — Thu, 05 Aug 2010 11:23:41 +0000

భగవన్-నిర్గుణ మానస పూజా ( శ్రీ శంకరాచార్య కృతమ్ )

1 అఖణ్డే సచ్చిదానన్దే నిర్వికల్పైకరూపిణి |
స్థితే2ద్వితీయ-భావే2పి కథం పూజా విధీయతే ||

అఖండమూ, నిర్గుణమూ అయిన సచ్చిదానంద స్వరూపుడూ అయిన
పరమాత్మకు పూజ ఏవిధంగా చేయగలము?!

2 పూర్ణస్యావాహనం కుత్ర సర్వాధారస్య చాసనమ్ |
స్వచ్ఛస్య పాద్య మర్ఘ్యం చ శుద్ధస్యాచమనం కుతః ||

౧   ఆవాహనం : పరిపూర్ణుడైన ( అంతటా నిండియున్న ) స్వామిని
ఎక్కడినుంచి ఎక్కడికి ఆహ్వానించగలము ?!
౨   ఆసనం : సర్వమునకు తానే ఆధారముగా ఉంటున్న స్వామికి
ఆధారముగా ఏ ఆసనమును సమర్పించగలము ?!
౩,౪   పాద్యం, అర్ఘ్యం : నిత్య స్వచ్ఛుడు అయిన స్వామియొక్క పాదపద్మములను,
కరకమలములను శుద్ధిచేయగల ఉదకము లున్నవా ?!
౫   ఆచమనం : నిత్య పరిశుద్ధుడు, సర్వపావనుడు అయిన స్వామికి
ఆచమనం ఎందులకు ?!

3 నిర్మలస్య కుతః స్నానం వాసో విశ్వోదరస్య చ |
అగోత్రస్య త్వవర్ణస్య కుత స్తస్యోపవీతకమ్ ||

౬   స్నానం : మాలిన్యమే లేని నిర్మలునకు స్నానం వల్ల ప్రయోజనం ఉందా ?!
౭   వస్త్రం :    విశ్వమంతటినీ తన ఉదరంలోనే దాచుకున్న స్వామికి,
ఆయన దేహాన్ని కప్పగల వస్త్రం ఏమివ్వగలము ?!
౮   యజ్ఞోపవీతం : స్వయముగా ఏ గోత్రము, ఏ వర్ణమూ లేనట్టిన్నీ,
అన్ని గోత్రములకూ, అన్ని వర్ణములకూ మూలమైనట్టిన్నీ,
అనుపనీతుడైనట్టిన్నీ స్వామికి
యజ్ఞోపవీతము ఏమని సమర్పించగలము ?!

4 నిర్లేపస్య కుతో గన్ధః పుష్పం నిర్వాసనస్య చ |
నిర్విశేషస్య కా భూషా కో2లఙ్కారో నిరాకృతేః ||

౯ గంథం : కర్మాకర్మలూ, పాపపుణ్యాలూ ఏవీ అంటని స్వామికి
గంథం పూయటం ఎందులకు ?!
౧౦ పుష్పం : ఏ వాసనలూ లేని, అంటని, వాసనారహితుడైన స్వామికి -
ఆత్మ-చైతన్య ప్రకాశం కలిగిన సువాసనా-యుతమైన
మనఃపుష్పాన్ని సమర్పించాలిగాని -
ప్రకృతిలోని పుష్పముల సమర్పణ ఎందులకు ?!
ఆభరణాని : ఆకాశం వలె సర్వవ్యాపకంగా ఉంటూ, అవయవములు లేనట్టి
స్వామికి ఆభరణాలు ఎక్కడ ధరింప జేయగలము ?!
అలంకారం : నిరాకారుడైన స్వామికి ఏమి అలంకారం చేయగలం ?!

5 నిరఞ్జనస్య కిం ధూపై ర్దీపైర్వా సర్వసాక్షిణః |
నిజానన్దైక-తృప్తస్య నైవేద్యం కిం భవేదిహ ||

౧౧   ధూపం : నిరంజనుడైన స్వామికి ధూపము లెందులకు ?!
౧౨   దీపం :    సర్వసాక్షియై, సర్వ దృశ్యములకూ దృక్ స్వరూపుడైనట్టి
స్వామికి దీపదర్శనము వలన ఏం ప్రయోజనం ?!
౧౩   నైవేద్యం : అఖండ – ఆత్మానందము ననుభవిస్తూ తృప్తుడైన స్వామికి
నైవేద్యముగా ఏమి ఇవ్వగలము ?!

6 విశ్వానన్దయితు స్తస్య కిం తాంబూలం ప్రకల్పతే |
స్వయంప్రకాశ-చిద్రూపో యో2సావర్కాది-భాసకః ||

7 గీయతే శ్రుతిభి స్తస్య నీరాజనవిధిః కుతః |
ప్రదక్షిణ మనన్తస్య ప్రణామో2ద్వయ వస్తునః ||

౧౪ తాంబూలం : విశ్వాన్ని అంతటినీ ఆనందమయము చేసే స్వామికి
ఆనందకరంగా ఉండే తాంబూలం ఏమివ్వగలం ?!
౧౫ నీరాజనం : వేదములు ఎవరినైతే, ” చిద్రూపుడు, స్వయం ప్రకాశ స్వరూపుడు,
సూర్య చంద్రాగ్ని గ్రహ నక్షత్రాదులను భాసింప జేస్తున్నాడు “
అని కీర్తిస్తూన్నాయో, అట్టి స్వామికి ఏమి హారతులివ్వ గలము ?!
ప్రదక్షిణం : దిక్కులు అన్నీ కూడా ఎవరిలోనే లయిస్తూన్నాయో, అట్టి
అనంతుడైన స్వామికి ప్రదక్షిణములు సాధ్యమా ?!
నమస్కారం : సర్వమూ తానేయైన వానికి, రెండవ వస్తువే లేని అద్వితీయుడైన
స్వామికి నమస్కారము చేయగలవారు ఎవరు ?!

8 వేదవాచా మవేద్యస్య కిం వా స్తోత్రం విధీయతే |
అన్తర్బహిః సంస్థితస్య ఉద్వాసనవిధిః కుతః ||

౧౬ మంత్రపుష్పం ( స్తోత్రం ) : అన్నిటినీ తెలుసుకునేవాడే గానీ, దేనిచేతా
( వేద-వాక్కుల చేతకూడా ) తెలియబడని వాడైన స్వామికి
ఏ వాక్కులతో స్తోత్రం చేయగలము ?!
ఉద్వాసనం : విశ్వమునకు లోపలా, బయటా వ్యాపించియున్నట్టి
స్వామికి ఉద్వాసనం చెప్పటం ఎలా సాధ్యం ?!

[ అయినా స్వామీ ! నీకు సకలోపచార పూజలను చేస్తూనే ఉంటాం !
" చంద్రునికో నూలుపోగు ! " అన్న చందంగా;
నీ మహిమను స్మరించటానికీ, భావించటానికీ ఒక అధారరూపంగా ! ]

********************************************

Filed under: పూజా విధానం, భక్తి భావనలు, భగవత్తత్త్వం Tagged: దేవుడు, పూజా విధానం, భక్తి భావనలు, భక్తి విధానాలు, భగవంతుడు

తీర్థయాత్రలు: (అత్యధిక ప్రయోజనం పొందటం ఎలా?)

telugubhakti — Mon, 28 Jun 2010 13:54:15 +0000

తీర్థయాత్రలు: (అత్యధిక ప్రయోజనం పొందటం ఎలా?)

సామాజిక రంగంలో ఉద్యోగమేళాలు, ఋణమేళాలు,

ఆరోగ్యమేళాలు, మొ. ఎన్నో రకాల మేళాలు (Fairs) సందడిగా

నిర్వహించ బడుతుంటాయి గదా.

వాటివల్ల వ్యక్తిగతంగా లబ్ధి పొందినప్పుడే గదా

వాటిలో పాల్గొనటం వల్ల ప్రయోజనం ! లేకపోతే

మనం చూసే అనేక తమాషాలలో అవీ కొన్ని అవుతాయి.

ఆ మేళాకు వెళ్ళిరావటం వలన, మనకు ఉద్యోగమో, ఋణమో

రాకపోయినప్పటికీ, కనీసం ఏయే అర్హతలు, ఏయే పత్రాలు

సిద్ధం చేసుకుంటే, భవిష్యత్తులోనైనా మనకు వాటిని పొందే

అవకాశం పెరుగుతుందో తెలియవస్తుంది. కనీసం ఆ ప్రయోజనం

దక్కించుకున్నా కూడా, వారు వివేకుల క్రిందే లెక్క !

ఆ మేళాల ( Fairs ) లో పాల్గొనకుండా కూడా, అంతకంటే

ఎక్కువ ( ఆరోగ్యాది ) లాభాలను పొందవచ్చు

ఆధ్యాత్మిక రంగంలో – కుంభమేళాలు, తిరునాళ్ళు,

తీర్థయాత్రలు మొ. కూడా అంతే గదా !

వాటివల్ల వ్యక్తిగతంగా మనం (ఆధ్యాత్మిక) లబ్ధి పొందితేనే గదా

వాటిలో పాల్గొనటంవల్ల ప్రయోజనం ! లేకపోతే, ఆయా

నదులలో ఈదే చేపలకన్న, ఆయా క్షేత్రాలలో ఎగిరే పక్షులకంటే

ఏ విధంగా మనం ఉన్నతులం? వ్యయ ప్రయాసలకోర్చ

అందిపుచ్చుకున్న సువర్ణావకాశాన్ని జారవిడుచుకున్న

అవివేకులం కాదా?

ఆ తిరునాళ్ళు మొ. వాటిలో పాల్గొనకుండా కూడా

అంతకంటే ఎక్కువ ఆధ్యాత్మిక ఉన్నతి సాధించే వీలు

ఉన్నది గదా !

కాబట్టి చెప్పవచ్చినదేమంటే – తీర్థయాత్రలు, మొ. మానమని

కాదు; మన ఇష్ట దైవానికి సంబంధించిన ఏదైనా ఒకటో రెండో

సిద్ధక్షేత్రాలను అప్పుడప్పుడు దర్శించి, ఆ దైవంతో అనుసంధానం

పెంచుకోవటం కోసమే చెయ్యాలి. మహా పురుషుల చరిత్రలను

పరిశీలిస్తే, ఒక్కొక్కరు ఒక్కొక్క దైవానికి, ఒక్కొక్క క్షేత్రానికి

అంకితమయ్యారని, అలా అవటం వల్లనే ప్రసిద్ధి, సిద్ధి పొందారనీ

అనిపిస్తుంది.

మోక్షసాధన వరకు ఉపయోగపడగలది యోగం. కాని, ఆధునిక

పద్ధతులలో యోగా చేయటం ద్వారా, మనకి

just breathing – exercises యొక్క ఫలం మాత్రమే

దక్కుతోంది !

అలాగే, మోక్షసాధన వరకు ఉపయోగపడగల ” తీర్థాటనము”ను

ఆధునిక పద్ధతులలో చేయటం వలన, just Tourism యొక్క

ఫలం మాత్రమే వచ్చే దక్కుతోంది గదా !

భౌతికంగా పెరిగిన ప్రయాణాది సౌకర్యాలను వాడుకోవద్దని కాదు;

మన మానసిక శక్తులను – వింతలు, విశేషాలు, మొ. అనవసర

విషయ బాహుళ్యం మీదికి చేదిరిపోనీయకుండా -

భగవంతునితో మానసిక అనుబంధాన్ని దృఢపరచుకునే

దృక్పథంతోనే తీర్థయాత్రలను చేస్తే, ఎంత అద్భుత ఫలితం !

పల్లెటూళ్ళో ఉన్న తాతగారు, బామ్మలు – తమను చూడటానికి

ఏ అమెరికానుంచో వచ్చిన మనుమలూ, మనుమరాళ్ళూ -

తమకోసం తెచ్చినవి చూసి మాత్రమే సంతోషిస్తారా?

వారికి తమపట్ల ఉన్న అభిమానం, ఆత్మీయత, శ్రద్ధాభక్తులు,

మొ. వాటిని చూసి, అంతకన్న ఎక్కువ సంతోషించరా ?

భౌతిక విషయ ప్రపంచంలో వారు ఎంత పైకెదిగినా,

తాము చూపిన సంప్రదాయ మార్గాన్ని వదిలిపెట్ట లేదుకదా?

విలువలకు కట్టుబడి ఉంటున్నారు కదా? మొ. విషయాలు

వారికి అన్నిటికంటే ఎక్కువ ఆనందాన్ని ఇస్తాయా, ఇవ్వవా?

అవియే భగవంతుడు మననుంచి కోరుకునేది !

Filed under: పండుగలు - పర్వాలు, భక్తి విధానాలు, హిందువుల ఆచార వ్యవహరములు Tagged: భక్తి విధానాలు, భగవంతుడు, సాధన

గణేశ పంచరత్నములు

telugubhakti — Thu, 17 Jun 2010 03:55:04 +0000

GANESAPANCHARATNAM

గణేశ పంచరత్నములు

For the text.please click on the above link “bhakti padyamulu ”

in English, and again on the similar link in the page that opens up.

Filed under: ప్రార్థన Tagged: ప్రార్థన

భక్తి పద్యములు

telugubhakti — Thu, 17 Jun 2010 03:47:18 +0000

bhaktipadyamulu

భక్తి పద్యములు

For the text.please click on the above link “bhakti padyamulu ”

in English, and again on the similar link in the page that opens up.

Filed under: ప్రార్థన Tagged: ప్రార్థన

How to type in Telugu Script?

telugubhakti — Thu, 10 Jun 2010 16:28:16 +0000

Sree Rama.

తెలుగులో తేలికగా వ్రాయడం (కంప్యూటర్ లో) టైపు చేయడం ఎలా?

SUGGESTIONS from

	” kamthasthabharathi.wordpress.com “

for Promoting easy use of Indian Languages
	( Telugu & Sanskrit / Hindi ) on Computers.

STEPS to be able to TYPE in INDIAN LANGUAGES -

	especially TELUGU and SANSKRIT / HINDI.
	on the usual key-board.

	SAMPLE SCRIPTS :

Telugu:
		శ్రీరామ జయ రామ జయ జయ రామ !
Sanskrit:
		श्रीराम जय राम जय जय राम !
English:
		SrIrAma jaya rAma jaya jaya rAma !


1)	For enabling the Typing of Text in TELUGU, SANSKRIT
	(or any Indian Language)

	THE FOLLOWING IS ONE – TIME SET-UP.

	i	open ” baraha.com “
	ii	click ” download ” on left side.
	iii	click ” download Baraha Unicode 3.1 “
	iv	Save Baraha IME on Desk-Top.
	v	Click on the above icon and run ” IME Set – up “.
	vi	Once this is set-up, you can see the icons
		” Baraha IME ” , and ” Baraha Pad ” on desk top.

2)	For typing Telugu, etc. whenever required.

	i	click on the icon ” Baraha IME ” on desk top.
	ii	You will see at right hand bottom side
		( on the Start menu line, right-side )
		the default icon ” KN “
		( showing the default Language Kannada ).
	iii	click on this . It opens a box.
	iv	click on ” Language ” in the box.
	v	click on ” Telugu ” in the new box that shows
		list of Indian Languages.
		The icon will appear as ” TE ” indicating
		Telugu Mode.
	vi	Now it is ready to type in Telugu.
	vii	press ” F11″ key or “F12″ key of the key-board,
		to alternate between Telugu Script
		and English Scripts any number of times.

3)	For familiarity of keying-in in Telugu etc.
	( The SIMPLEST- EVER Method )

	i	For the rules of transliteration, click on ” TE “
		or ” EN ” at the right bottom-side. Then on
		” Help ” in the box. Then , double-click on
		” Transliteration Rules “, – then on the required
		Language ” Telugu “, for the rules of Typing.

4)	How to give the Text of , say, a Sloka, in all the
	three languages – Telugu, Sanskrit ( Hindi is same ),
	and English – for the benefit of readers.

	i	click on the icon “Baraha Pad” on the DeskTop.
	ii	click on “Language” - then, on “Telugu.”
	iii	Now type the Text according to Telugu
		Transliteration Rules. Telugu Script will appear
		on the Baraha Pad.
	iv	Select, copy and paste ( the text which is required
		to be converted ) , twice below the Telugu Text.
	v	Select the second Telugu Text – click on “Tools “
		at the top – then on ” convert” – then on the language
		” Devanagari ” ( for Sanskrit & Hindi same )
	vi	Select the third Telugu Text – click on “Tools ” at the
		top – then on ” convert” – then on the language
		English .
	vii	Now, the first Sloka is in Telugu, the second is in
		Sanskrit / Hindi, and the third is in English !
	viii	Most of the Indians on Earth can read this
		combination, pronouncingmost precisely
		and most meaningfully !

Let most of the”TELUGU BHAKTI.COM” GROUP MEMBERS
	enjoy typing in Telugu, and reading in Telugu the
	original Telugu and Sanskrit Texts most accurately
	( without distortions ), express their meanings
	and summaries in Telugu freely,
	for maximum absorption of the Rasa & Spirit !

LET US show our BHAKTI to our TELUGU !

NOTE :
		In case of any difficulty at any stage, we shall be
		happy to clarify further, on your query at the box
		provided at the bottom of this post, or through
		e-mail to ” sreemaathaa@yahoo.com”.

		తెలుగువారు తెలుగువారితో చేసే విషయ ప్రసారాలలో
		(computer communications)లో తెలుగు లిపి యొక్క
		వాడకాన్ని ప్రోత్సహించడం కూడా మన ప్రధాన
		ఆశయాలలో ఒకటి కాబట్టి !

Filed under: తెలుగు భాష Tagged: తెలుగు భాషా ప్రాచుర్యం, తెలుగువారు, Telugu People

మనము ప్రదక్షిణ సవ్యముగానే ఎందుకు చేస్తాము!

telugubhakti — Sun, 06 Jun 2010 04:30:08 +0000

మనము ప్రదక్షిణ చేస్తున్నప్పుడు దేముడు ఎప్పుడూ మన కుడివైపు
ఉంటాడు. మనదేశంలో కుడివైపు శుభకరము. మనము గర్భగుడి
చుట్టూ తిరుగుతున్నప్పుడు మంగళకరమైన,శుభప్రదమైన జీవితమును
గడుపుటను, జ్ఞాపకము చెసుకుంటాము. దేవుడు మనకు శక్తిని ఇచ్చి,
సహాయము చేసే మూల కారణముగా గుర్తుంచుకుంటాము.

“మాతృదేవోభవ, పితృదేవోభవ, ఆచార్యదేవోభవ”
మనదేశంలో తల్లితండ్రులను గురువులను దెవుడిగా భావిస్తాము.
ఇది మనస్సులో ఉంచుకుని తల్లితండ్రులకు గురువులకు గూడా
ప్రదక్షిణ చేస్తాము.

దెవుడి పూజ చేసిన తర్వాత మనచుట్టూ మనము ప్రదక్షిణ చేస్తాము.
ఈవిధముగా మనలో వున్న దేవత్వమును బాహ్య దేవుడిని
పూజించినట్లు గుర్తించుతాము.

పాశ్చాత్య దేశాలకు భిన్నంగా, మన రోడ్ల ట్రాఫిక్ పద్ధతి
ఎడమవైపు నుండి ( ప్రదక్షిణ మార్గంగా ) వెళ్ళేటట్లుగానే
వ్యవస్థీకరించ బడింది !

దేవాలయమునకు, దైవ ప్రతిమలకు, పూజ్యులకు, పెద్దవారికి,
గోవులకు అశ్వత్థాది పవిత్ర వృక్షములకు ..ప్రదక్షిణమార్గంలోనుంచి
వెళ్ళడమే మన భారతీయ సంస్కృతి !

Filed under: హిందువుల ఆచార వ్యవహరములు Tagged: భారతీయ సంస్కృతి, Indian Culture

మనము దీపము ఎందుకు వెలిగిస్తాము

telugubhakti — Fri, 14 May 2010 06:06:50 +0000

దీపంజ్యొతిః పరంబ్రహ్మ దీపం సర్వ తమోపహమ్ |

దీపేన సాధ్యతే సర్వం సంధ్యాదీప ! నమో2స్తుతే ||

మనము దేవుడి ముందర దీపము ప్రొద్దున,సాయంకాలము,

రెండు పూటలా కూడా దీపమువెలిగిస్తాము. కొంతమంది

అఖండ దీపము కూడా వెలిగిస్తారు.

వెలుతురు చీకటిని తొలగించునట్లు జ్ఞానము అవివేకమును

తొలగించును.

చమురు దీపము నకు ఒక ప్రత్యేకత ఉంది.చమురు గాని,నెయ్యి గాని

మన వాసనలని తెలియపరుస్తుంది.వత్తి మన అహాన్ని

తెలియపరుస్తుంది.జ్ఞానదృష్టి వెలిగించగానే వాసనలన్నీతొలగిపోయి

అహమంతయూ నశించును.దీపపు మంట పైకి చూచునట్లుగానే

మనము ఎత్తైన ఆదర్శములకు చేర్చే జ్ఞానమును సంపాదించవలెను.

Filed under: పూజా విధానం, హిందువుల ఆచార వ్యవహరములు Tagged: పూజా విధానం

భగవద్-విభూతి ( భగవద్గీత లోనుంచి )

telugubhakti — Thu, 13 May 2010 16:13:57 +0000

భగవద్-విభూతి ( భగవద్గీత లోనుంచి )

బీజం మాం సర్వభూతానాం విద్ధి పార్థ ! సనాతనమ్ |

బుద్ధి ర్బుద్ధిమతా మస్మి తేజ స్తేజస్వినా మహమ్ ||(7-10)

……

యద్య ద్విభూతిమత్ సత్త్వం శ్రీమదూర్జిత మేవ వా |

తత్తదే వావగచ్ఛ త్వం మమ తేజోంశ సంభవమ్ ||10-41)

శ్రీకృష్ణ భగవానుడు గీతలో చెబుతున్నాడు:

అర్జునా ! పంచ భూతాలకూ, సకల చరాచర సృష్టికీ బీజం

వంటి మూలకారణమును నేనే అని తెలిసికొనుము.

బుద్ధిమంతులలోని బుద్ధిని నేనే;

తేజస్వులలోని తేజస్సునూ నేనే !

బలవంతులలోని బలమునూ నేనే !

ప్రాణులయందున్నటువంటి – ధర్మమునకు విరుద్ధము కాని -

కామమును, కోరికను నేనే !

నదులలో గంగానది నేనే ! అక్షయమైన కాలమును నేనే !

మనుష్యులలోని కృషి చేసే గుణం నేనే !

విజయం అనే ఫలమూ నేనే !

మునులలో వ్యాసుడను నేనే !

వేయేల ? ఎక్కడెక్కడ శ్రీమంతము, శోభస్కరము, శ్రేష్ఠము

అయిన సత్త్వము – తత్త్వము కనుపిస్తుందో, అక్కడక్కడ

ఉన్నది నా యొక్క తేజస్సులోని ఒక అంశ మాత్రమే

అని గ్రహించు !

( భావం : పూర్వజన్మ పుణ్య ఫలంగా గానీ, ఈ జన్మలోని

పూర్వాభ్యాస బలంవల్ల గానీ – ధర్మానికి విరుద్ధం కాని -

శ్రేష్ఠత్వాన్ని సంతరించుకున్నట్టి జడములు, చేతనములన్నిటి

లోనూ భగవద్-విభూతిని ( ఉనికిని, ప్రకాశాన్ని ) గుర్తించటం,

ప్రత్యక్ష దైవంగా ఆరాధించటం మన భారతీయ సంస్కృతి లోని

గొప్పదనం, విశిష్టత !

ఇది అనితర చింత్యం; అనితర బోధ్యం; అనితర సాధ్యం ! )

Filed under: భగవద్-విభూతి, భగవద్గీత Tagged: దేవుడు, భగవంతుడు, భగవద్గీత

ప్రతివారు పాటింవలసిన నియమములు

telugubhakti — Mon, 26 Apr 2010 04:11:35 +0000

నేను ఈరోజు నుండి ఈక్రింది నియమములు పాటించ దల్చుకున్నాను
1. ఎవరైనా నాతో మొరటుగా మాట్లాడినా,అసహనముగా గాని,నిర్దయగాగాని
ప్రవర్తించినా, అదే విధముగా ప్రత్యుత్తరము ఇవ్వను.
2.ఎవరైనా నాతో మొరటుగా గాని,సహనము లేకగాని,నిర్దయతో గాని ప్రవర్తించినా
నేను సమాధానము ఇవ్వను.నేను అట్టి వ్యక్తిని కటాక్షించమని కోరుతాను.
3. నేను జాగ్రత్తగా పనికిరాని మాటలను వ్యాప్తి చెందకుండా నా మాటలను ఎంచు
కుంటాను.
4.నేను ఇతరుల భారము పంచుకునేటందుకు మార్గములు వెదుకుతాను.
5.నేను నా దోవలో ఎదురుతగిలే బాధలు గాని,దెబ్బలు కాని లెక్క చేయను.
6.నేను ఈరోజు ఇతరులకు తెలియకుండా ఎవరికో ఒకరికి సహాయము చేస్తాను.
7. ఇతరులు నాతో ఏవిధముగా ప్రవర్తించాలనుకుంటానో,నేను ఇతరులతో ఆ విధముగానే
ప్రవర్తిస్తాను.
8. నేను ఎవరైనా నిరాశా నిస్పృహల తో ఉన్నవానిని నా చిరునవ్వుతో,నా మాటలతో
ఉల్లాసం,ఉత్తేజ పరిచేటందుకు ప్రయత్నిస్తాను
9. నేను ఈరోజు నా శరీరముగూర్చిజాగ్రత్త తీసుకుంటాను.నేనుఆరోగ్యకరమైన
ఆహారమును అతి తక్కువగా తీసుకుంటాను.
10.నేను ఈరోజు ఆధ్యాత్మికముగా ఎదుగుతాను.నేను ఈరోజు ఎక్కువసేపు
ప్రార్ధనలో గడుపుతాను. ఆధ్యాత్మికము,మనసును ఉత్తేజపరిచే పుస్తకములు
చదివేందుకు మొదలు పెడతాను.నిశ్సబ్ద ప్రదేశములోభగవంతుని స్మరిస్తాను.

Filed under: వ్యక్తిత్వ వికాసము Tagged: దృక్పథం, సాధన

శ్రీ రామ నవమి ప్రార్థన

telugubhakti — Wed, 24 Mar 2010 00:40:02 +0000

శ్రీరామ. ౨౪ – ౦౩ – ౨౦౧౦ (24 – 03 – 2010 )

మిత్రులందరికీ శ్రీరామనవమి శుభాకాంక్షలు !

శ్లో || రామో రాజమణి ర్విరాజతే రామం రమేశం భజే
రామేణాభిహతా నిశాచరచమూః రామాయ తస్మై నమః |
రామాన్నాస్తి పరాత్పరతరం రామస్య దాసో2స్మ్యహం
రామే చిత్తలయం సదా భవతు మే భో ! రామ ! మాముద్ధర ||

श्लो ॥ रामो राजमणि र्विराजते रामं रमेशं भजे
रामेणाभिहता निशाचरचमूः रामाय तस्मै नमः ।
रामान्नास्ति परात्परतरं रामस्य दासो2स्म्यहं
रामे चित्तलयं सदा भवतु मे भो ! राम ! मामुद्धर ॥

rAmo rAjamaNi rvirAjate rAmaM rameSaM Baje
rAmeNABihatA niSAcaracamUH rAmAya tasmai namaH |
rAmAnnAsti parAtparataraM rAmasya dAso2smyahaM
rAme cittalayaM sadA Bavatu me Bo ! rAma ! mAmuddhara ||

సంస్కృతభాషలో ప్రప్రథమంగా నేర్పబడే “రామ’శబ్దం లోని ఎనిమిది
విభక్తుల ఏకవచన రూపాలన్నీ పై శ్లోకంలో అందంగా కూర్చబడ్డాయి.
రామః – రామం – రామేణ – రామాయ – రామాత్ – రామస్య -
రామే – హే రామ ! – అనేవి ఆ ఎనిమిదిన్నూ.

“”"రామునియందే నా చిత్తము ఎల్లప్పుడు లయించియుండు గాక !
“
ఓ రామా ! నన్ను ఉద్ధరింపుము ! ’
అనే భావం కలిగిన ( పై శ్లోకములోని ) ఒక్క నాల్గవ పాదమైనా
మనకు వాచోవిధేయమై, ఎల్లప్పుడు నాలుకమీద ఆడుతూ,
మనస్సును స్పృశిస్తూ ఉంటే, అతి గొప్ప ప్రార్థనలలో ఇది కూడా
ఒకటి అవటంలో సందేహం లేదు !

హనుమల్లక్ష్మణ భరతశతృఘ్న పరివారసమేతులైన
ఆ సీతారాముల పరిపూర్ణానుగ్రహం మనందరిపై వర్షించుచుండు గాక !

Filed under: పండుగలు - పర్వాలు Tagged: ప్రార్థన

శ్రీ ” వికృతి ” నామ సం. ఉగాదికి సుకృత సంకల్పాలు

telugubhakti — Mon, 15 Mar 2010 04:13:06 +0000

తెలుగు బంధువులారా !

ఉగాది ( ౧౬-౦౩-౨౦౧౦ ) తెలుగు నూతన సంవత్సర శుభాకాంక్షలు !

ఈ శుభ సందర్భంలో ఆ భగవంతుడు మీ అందరికీ ఆయురారోగ్యాలు, సుఖసంతోషాలు, ముఖ్యంగా తన పరిపూర్ణానుగ్రహాన్ని ఈ సంవత్సరమంతా వర్షించాలని ప్రార్థిస్తూన్నాను.

మన వంతు ప్రయత్నంగా, కొన్ని దృఢ నిర్ణయాలు చేసుకుందాము.

(౧) నిత్యమూ భగవంతుని భక్తిభావ కుసుమాలతో పూజిద్దాం.

(౨) రోజుకు ఒక సారైనా, ఆయన అనుగ్రహం తప్ప ఏమీ కోరని ప్రార్థన చేద్దాం.

(౩) రోజూ ” నేను భారతీయుడిని / భారతీయురాలిని “ ,అనీ, ” నాది తెలుగు కుటుంబం ” అనీ స్మరించుకుందాం.

(౪) భారతీయ సంస్కృతికి అనుగుణంగా, రోజూ ఒక్క భగవద్గీతా శ్లోకాన్ని అర్థంతో సహా పారాయణ చేద్దాం.

(౫) ” లోకాః సమస్తాః సుఖినో భవన్తు ” అనిరోజుకొక సారి ఆకాంక్శిద్దాం.

(౬) తెలుగుదనానికి ప్రతీకగా రోజూ ఏదో ఒక్క తెలుగు పద్యాన్ని పైకి చదివి, మన కుటుంబ సభ్యులకు వినబడేలా చేద్దాం.

(౭) తెలుగు లిపిలోనున్న ఏదో ఒక విషయం – పత్రికో, పుస్తకమో, బ్లాగో – ఏదో ఒకటి రెండు నిమిషాల పాటు అయినా చదవటం, చదివించటం అలవాటు చేసుకుందాం.

(౮) పై విషయాలను మన దినచర్యలో భాగం చేసుకుంటే, మనం భారతీయులమని, తెలుగువారమని గుండెలమీద చేయి వేసుకుని సగర్వంగా చెప్పగలం !

(౯) రోజూ చేయటానికి వీలుపడనంత వేగవంత జీవితం గడిపేవారు మాత్రం కనీసం వారానికోసారి పాటించినా చాలు. పై విషయాలను స్పృశించకుండా, ఏ వారమూ ( week – end ) కూడా గడిచి పోకూడదు !

శ్లో || ” ప్రకృతిః పఞ్చభూతాని గ్రహాలొకాః స్వరాస్తథా |

దిశః కాలశ్చ సర్వేషాం సదా కుర్వన్తు మఙ్గళమ్ ||

భవదీయుడు,

భాగవతుల శ్రీనివాస రావు

(kamthasthabharathi.wordpress.com)

NOTE: Please click at the Title ” TELUGU BHAKTI ” at the top of this Post, to get a view of the side-bar. Then you can click on any page / subject you like.

Filed under: పండుగలు - పర్వాలు Tagged: తెలుగువారు, ప్రార్థన, Telugu People

తెలుగు వల్ల మనకేం లాభం ?

telugubhakti — Sun, 21 Feb 2010 12:02:42 +0000

తెలుగువారిలోని మేథావులారా !

” యద్యదాచరతి శ్రేష్ఠః తత్తదేవేతరో జనః ” అని గీతా వచనం.

మీరు ఆలోచించి, ఆచరణయోగ్యమని చేప్పిన విషయాలను,

ఆచరణలో పెట్టేందుకు స్వయంగా ప్రయత్నిస్తూ దారి చూపితే,

ఇతరులు అనుసరిస్తారు.

నేడు 21-02-2010 ” మాతృభాషా దినోత్సవం ” !

మన తెలుగు జాతి ఒక విపత్కర పరిస్థితిని ఎదుర్కొంటోంది !

తెలుగు సంస్కృతీ సాహిత్యాలంటే అసలు గౌరవమే లేని ;

తెలుగు సంస్కృతీ సాహిత్యాలతో అసలు పరిచయమే లేని;

తెలుగు పలుకులు మాట్లాడటమే ఇష్టం లేని, చేతకాని ;

తెలుగు అక్షరాలు వ్రాయడం, చదవడమే రానటువంటి ;

” తెలుగు కుటుంబాలు “ వేగంగా పెరిగిపోతున్నాయి !

ఎదుటివారు తెలుగువారే అయినాసరే, తెలుగు తప్ప

ఇంకేదయినా మాట్లాడే ” పరభాషా వ్యామోహం ” మన సొత్తు !

ఎప్పుడైనా ఎక్కడైనా ఓ తెలుగు తేజం తళుకులీనితే, అప్పుడు

” మనం కూడ తెలుగువారమే” అనే స్పృహ తెచ్చుకుంటూండే

నిద్రాణ జాతి మనది.

ప్రపంచవ్యాప్తంగా ఆలోచనాపరులందరూ చెబుతున్నదేమంటే -

” మాతృభాషతో సాన్నిహిత్యం ఉన్నవారే ఏ భాషలోనైనా,

ఏ రంగంలోనైనా రాణించ గలరు ” అని ! దీనికి తార్కాణం -

టంగుటూరి ప్రకాశం పంతులుగారి వంటి స్వాతంత్ర్య కాలం నాటి

మన న్యాయవాదులు, రాజకీయవాదులే !

దేశస్వాతంత్ర్యానంతరం గత 60 సంవత్సరాలలో,

మారుతున్న దేశ కాల పరిస్థితులకు స్పందనగా, ఇంగ్లీషుని

స్వంతం చేసుకునే ఆరాటంలో, అవసరం లేకపోయినా

తెలుగుకు దూరం అయ్యారు రెండు తరాల తెలుగువారు !

ఈ మూడో తరానికైనా, మన ప్రధాన భాషా సంస్కృతీ స్రవంతితో

అనుబంధం పెంచకపోతే, పూడ్చలేని నష్టం కలిగించినవార మవుతాం .

మాతృ నౌకతో అనుబంధాన్నిచ్చే జీవనసూత్రం

( Life – chord from Mother – Space Ship )

తెగిపోయిన వ్యోమగామిలాగా అయిపోతుంది మన స్థితి !

ఎవరినో ఉద్ధరించడం దాకా ఎందుకు ? ఈ పోటీ ప్రపంచంలో -

పరభాషా మాధ్యమంలో నేర్చుకున్న విద్యా విజ్ఞానాలవల్ల

యాంత్రికమైన ఆలోచనలు, యాంత్రికమైన ఉచ్చారణలు గల

నేటి పోటీ ప్రపంచంలో- మాతృభాషతో సాన్నిహిత్యంవల్ల ఏ కొంతయినా

పెరిగే మౌలిక, స్వీయ, సృజనాత్మక ఆలోచనలవల్ల -

ఏ రంగంలోనైనా ” సాటివారిలో మేటివారుగా ” గుర్తింపు తప్పనిసరి !

” మంచిది అని గుర్తిస్తే, మనం చేయలేకపోయినా, పిల్లలచేత చేయించవచ్చు ! “

వరదలలో కొట్టుకు పోతున్నవారు ఏదో ఒక ఆధారంకోసం

ప్రయత్నించినట్లుగా, ఏటికి ఎదురీదినట్లుగా, మనం ప్రయత్నం

ఆరంభించాల్సిన తరుణం ఆసన్నమైంది. కాదు కాదు; తరుణం మించిపోతోంది !

ఎవరికి వారు తమ కుటూంబంలొని ప్రస్తుత పరిస్థితిని

ఒక్క వీసమైనా మెరుగు పర్చేందుకు తాముగా చేయదగ్గ ,

చేయదల్చుకున్న ఒక్క పనినైనా, ఈ టపాకు వ్యాఖ్య రూపంలో

అందిస్తే, అది ఇతరులకు ప్రోత్సాహకరంగానూ, మార్గదర్శకంగానూ

ఉంటుందనే సూచనను ఆర్తితో చేస్తున్నాను.

భవదీయుడు,

భాగవతుల శ్రీనివాస రావు

(తెలుగు భారతి . వర్డ్ ప్రెస్.కామ్ వారి సౌజన్యంతో )

( courtesy : telugubharathi.wordpress.com )

E-Mail : sreemaathaa@yahoo.com

Blog : kamthasthabharathi.wordpress.com

Filed under: తెలుగు భాష Tagged: తెలుగు భాషా ప్రాచుర్యం, తెలుగువారు, Telugu People

ABOUT US ..( ఈ బ్లాగు గురించి .. )

telugubhakti — Sat, 20 Feb 2010 08:06:49 +0000

శ్రీరామ

ABOUT US ..( ఈ బ్లాగు గురించి .. )

ఇది తెలుగువారికి సుపరిచితమైన

telugubhakti.com యొక్క అనుబంధ బ్లాగు.

( Sister – Blog ).

మన ప్రధాన లక్ష్యాలు నాలుగు :

(1):

తెలుగు భాషకు సేవ :

ఎక్కువ శాతం తెలుగువారు ఎక్కువ పరిమాణంలో

మాతృభాషను ఉపయోగిస్తూ, అమ్మ ఒడిలోని కమ్మ

దనాన్ని జీవితాంతమూ ఆస్వాదించేందుకు దోహదం

చేయడం ద్వారా మాతృభాషా పునరుజ్జీవనమునకై

కృషి చేయడం !

(2) :

తెలుగు వారికి సేవ :

తెలుగువారు ఎక్కడ ఉన్నా, వారికి, వారి కుటుంబాలకు

తరతరాలా తెలుగుదనంతో అనుబంధం దృఢతరం

చేసేటట్లుగా, తెలుగు సంస్కృతీ సాహిత్య కళాత్మక

విజ్ఞాన వివేకములను అందించేందుకు కృషి చేయడం !

(3) :

భక్తి యోగం :

భక్తి-ప్రధానంగా భారతీయ సనాతన జీవన విధానం,

ఆధ్యాత్మిక ( కర్మ, యోగ, భక్తి, జ్ఞాన, వైరాగ్యాది )

సాధనా మార్గాలపై అవగాహన పెంచేందుకు ప్రామాణిక

సంస్కృత-ఆంధ్ర గ్రంథాలను / గ్రంథ భాగాలను మూలం

గానీ తాత్పర్యంతో గానీ అందించేందుకు కృషి చేయడం !

(4) :

పరస్పర ప్రచోదనం :

పాఠకులందరూ చర్చా భాగస్వాములు, విమర్శకులు,

సంపాదకులు అయ్యేవిధంగా ప్రోత్సహించడం ! అచ్చు

వేసిన పుస్తకాలకైతే సంపాదకవర్గం వేరు, పాఠకవర్గం

వేరుగా ఉంటుంది; గ్రంథ విస్తర భీతి ఉంటుంది. మనకు

ఆ భయం లేదు. పాఠకులందరూ కూడ చేతనులే;

ఆలోచనలు స్పందనలు భావనాశక్తి గలవారే.

తమలోని నిక్షేపాలను నలుగురితో పంచుకుందామనే

ఆకాంక్ష, ప్రయత్నశీలత ఉంటే చాలు !

ఆదిశంకరాచార్యులవారు శివస్తోత్రం ఒకవిధంగా చేస్తే,

భక్త కన్నప్ప ఇంకో విధంగా చేసి ఉంటాడు; ఇతర

జానపదులు వేరేవిధంగా చేసి ఉంటారు !

సహజత్వంతో కూడిన, వైవిధ్యభరితమైన

ఈ భావవినిమయం – ( Sharing of feelings,

reactions, discussions, debates, Gems of

Quotations and Ideas – own or collected )

జరగడం ఎంతటి ఉత్తేజకరం !

తెలుగుభాషలో అయితే మరీనూ !

ప్రధానంగా ఈ అవకాశం కల్పించడానికే ఈ అనుబంధ

బ్లాగు ( this Sister-Blog ) అవతరించింది. దీనిలో

మనం అందరం ఉత్సాహంగా పాల్గొందామని

శుభసంకల్పం చేసుకుందాం !

NOTE:

Various Contents and Facilities

of this Blog are contained in the

Side – Bar. If the side-bar is not

visible on the right side of this page, please click on

the Title ” TELUGU BHAKTI ” at the

top of this page. Then in the side-bar

that appears, click on different items

in Categories ( వర్గములు ) to view the